O stand de Galicia en Fitur recibe as súas maxestades os Reis de España

O conselleiro de Cultura e Turismo, Roberto Varela e a secretaria xeral para o Turismo, Carmen Pardo, exerceron de anfitrións no recibimento que o stand de Galicia en FITUR ofreceu ás súas maxestades os Reis de España. O conselleiro valorou a experiencia como “unha oportunidade de reiterar a invitación para que visiten Galicia con motivo do Ano Santo á que as súas maxestades responderon afirmativamente”.

A Xunta de Galicia obsequiou na súa visita ás SS.MM. Los Reyes de España cunha réplica do martelo empregado en 1937, o primeiro dos que se conservan, para derrubar o muro de pedra que representa o inicio do Ano Santo. Roberto Varela destacou o encontro como “unha experiencia moi emocionante” e incidiu na satisfacción mostrada polas súas maxestades ao recibir a réplica do martelo.

Deste xeito as súas maxestades ficarán cun recordo de suma importancia para Galicia, xa que cada 31 de decembro previo ao Ano Santo, o martelo asume un papel fundamental no ritual de apertura da Porta Santa. O Arcebispo de Santiago achégase á Porta, e chama tres veces co martelo de prata pedindo permiso ao Apóstolo Santiago. O muro de pedra colocado exclusivamente para a cerimonia e perfectamente previsto para caer suavemente, é derrubado polo golpe do martelo. É entón cando bendícese o lintel da porta con oliveira e o Arcebispo atravesa a Porta Santa.

O martelo orixinal desta réplica coa que se homenaxeou a presenza dos Reis no stand de Galicia, foi empregado polo Arcebispo de Santiago, Julián Barrio e poderá ser contemplado por todos os visitantes do stand. O mazo, cun deseño diferente en cada Ano Xubilar, está elaborado en prata con incrustacións de lapislázuli.

O conselleiro destacou respecto á promoción galega en FITUR que “este ano ofrecemos unha efeméride moi especial porque non se vai a repetir en once anos”. Dentro das liñas de actuación da Consellería en FITUR, Roberto Varela destacou que “vamos a vender unha Galicia aberta na que o pavillón amosa como simboloxía desa apertura, un pavillón grande e aberto ao exterior. Queremos mostrar a multiplicidade da oferta turística, patrimonial e cultural.”

Tocante ao protagonismo Xacobeo na promoción galega, o titular de Cultura concretou que “vendemos Xacobeo como unha oportunidade para a economía galega. Queremos destacar o caracter de espiritualidade e de experiencia única que é percorrer os Camiños de Santiago, que é a meta. Queremos que a xente perciba unha oferta moi ampla de gastronomía, turismo termal, turismo náutico, enoturismo...”. Por último Roberto Varela destacou do stand de Galicia que “é un dos máis completos en canto a variedade de oferta e queremos aproveitar esta oportunidade para que veñan a Galicia entre 9 e 10 millóns de visitantes”.

FITUR 2010

Nesta edición, a Xunta de Galicia, a través de Turgalicia, deseñou un espazo expositivo e un programa de actividades para promover toda a oferta turística galega, e de xeito moi especial o Xacobeo 2010. O espazo útil do stand de Galicia presenta as estéticas galegas máis vangardistas e tradicionais reproducindo, na súa superficie, pórticos recubertos por unha impresionante pel de vieiras.

Os 1.421 metros cadrados do stand de Galicia contemplarán ata o sábado 24 máis de 25 actos referidos a riqueza turística de Galicia e organizados por 17 entidades de promoción locais e provinciais. No punto de mira aparecerá sempre o Xacobeo 2010, principal motivación para a promoción turística de Galicia en FITUR 2010. O programa previsto para este ano presentarase na Feira Internacional de Turismo de Madrid aos operadores turísticos nacionais e internacionais e aos medios de comunicación o 22 de xaneiro, nun acto que terá un lugar moi destacado no stand de Galicia no espazo da Sociedade de Xestión do Plan Xacobeo, S.A.

Dentro do recinto, ademais do espazo dedicado ao Xacobeo 2010, distribuiranse outros apartados que se refiren ao Turismo de Galicia, as cidades galegas, os patrimonios da humanidade, o interior e a costa. Outros produtos turísticos senlleiros contarán cun apartado especial: a gastronomía de Galicia, o Turismo de Saúde, a Náutica e a oferta galega de establecementos turísticos.

O recinto de promoción turística institucional de Galicia pretende acadar o maior protagonismo na que está considerada como a segunda feira turística máis importante do mundo, e na que o pasado ano asistiron máis de 220.000 persoas e 12.300 empresas de 170 países.

Presentacións e actividades

Hoxe mércores, 20 de xaneiro, o stand de Galicia ponse a punto na súa andaina na Feira Internacional de Turismo de Madrid. A xornada en FITUR para a comunidade galega comezou a primeira hora coa conferencia sectorial de Turismo organizada polo Ministerio de Industria e Comercio e o Instituto de Turismo en España. A Conferencia Sectorial de Turismo deu paso ao protagonismo nos stands autonómicos. A presentación da XLII Feira do Cocido de Lalín, organizada polo concello de Lalín, a presentación da guía turística E para Comer, Lugo..., organizada pola Asociación Provincial de Empresarios de Hostelería de Lugo, a presentación Muralla de Lugo, Patrimonio Mundial 10 Aniversario, organizado polo Concello de Lugo e a presentación dos Paquetes Turísticos de Terras de Ulla e Tambre, organizada polo Plan de Mellora da Calidade Turística das comarcas serán os actos que redundarán na xornada inaugural do stand de Galicia en FITUR.

Mañá xoves, terán lugar os actos de presentación de A Coruña, organizada por Turismo da Coruña, Recursos Turísticos da Mancomunidade da Terra Chá, organizada pola Mancomunidade, a Reunión de Muxía, organizada pola Consellería de Cultura e Turismo, “Paixón por Ferrol” Semana Santa 2010, organizada polo Concello de Ferrol, “Ourense con outra mirada, Campaña 2010”, organizada polo Padroado Provincial de Turismo de Ourense, “Xantar 2010”, organizada por Expourense, Proxecto PROMOTUR Costa da Morte, organizada pola Asociación de profesionales do sector turístico Costa da Morte e a presentación dos Produtos Turísticos de Ferrol-Ortegal no Xacobeo 2010. “Tempo de Lecer”, organizada polo PDPT Ferrol.

O venres 22 producirase o acto máis agardado, a presentación do “Xacobeo 2010 Galicia”, á que acudirán o conselleiro de Cultura e Turismo e o presidente da Xunta de Galicia. A xornada no stand de Galicia completarase coas presentacións do cartel do Festival de Ortigueira, organizada polo Concello de Ortigueira, o Plan Operativo de Marketing Turístico de Sanxenxo, organizada por Turismo de Sanxenxo, a Guía Turística dos establecementos rurais, restaurantes e hoteis da Costa da Morte, organizada pola Asociación Neria e os Camiños de Sefarad, Destino Turístico organizada polo Concello de Ribadavia como membro da Rede de Xuderías de España.

A actualidade da Feira Internacional de Turismo de Madrid, pódese seguir en directo, minuto a minuto na páxina http://galiciavensientela.com/