Máis de 20.000 interinos na Xunta poderán elixir un destino que lles permita conciliar a vida familiar e laboral

Un total de 20.675 integrantes das listas de persoal interino na Xunta de Galicia poderán elexir un ámbito territorial que lles permitirá ser citados e traballar máis cerca do seu lugar de residencia, co que poderán conciliar de mellor maneira a súa vida familiar e laboral.

A Dirección Xeral da Función Pública, unha vez estudadas diversas solitudes de cambio e en resposta á demanda sindical existente, ditou unha resolución –publicada recentemente no DOG- pola que modifica ámbitos en determinados corpos, escalas, grupos e categorías reguladas polo Decreto 37/2006, do 2 de marzo, e polo Decreto 89/1997, do 10 de abril, co obxectivo de facilitar unha mellor conciliación da vida laboral e familiar.

O Decreto 37/2006, do 2 de marzo, regula o nomeamento de persoal interino para o desempeño con carácter transitorio de prazas reservadas a funcionarios e a contratación temporal do persoal laboral da Xunta de Galicia.

Función Pública, mediante diferentes resolucións en distintos anos acordou a apertura de prazos de presentación de instancias para a elaboración das litas para o nomeamento deste tipo de persoal. As citadas resolucións establecían os límites territoriais para a cobertura de postos de traballo nas distintas listas. Con esta medida os aspirantes poderán elexir un ámbito para traballar máis preto do seu lugar de residencia.