A Federación Galega de Bandas de Música Populares actúa, o vindeiro mércores día 30 de decembro, no Teatro Rosalía de Castro da Coruña. Trátase da estrea mundial e absoluta das obras gañadoras e premiadas do II Concurso de Composición. O concerto será ofrecido pola Banda Sinfónica da Federación Galega de Bandas de Música Populares.
O Concurso de Composición nace impulsado pola FGBMP e a Conselleria de Cultura e Turismo co fin de promover e potenciar o traballo dos novos compositores galegos e dinamizar e modernizar as influencias da cultura galega na cultura bandística. Dende a FGBMP queremos dar a coñecer tamén o traballo que o colectivo mozo realiza nas bandas de música pois contamos xa con 90 bandas e máis de 4500 músicos e músicas federadas. Proba da implicación da xuventude no noso colectivo é que este II Concurso de Composición foi gañado (en ámbalas súas dúas seccións) por Antón Alcalde Rodríguez, rianxeiro de 17 anos. Os finalistas foron José Luís Represas, David Cuevas e Juan Eiras.
A banda ensaiará dende o día 27 no Auditorio Municipal de Valga.
imprimir
enviar